တိတ်တိတ်လေး....

ငါသွားရတော့မယ်တဲ့။ သူကပြောတယ်။ အော်........ဘယ်တော့လဲဆိုတော့ .. နောက်လကုန်မှာတဲ့။ သူ့ကိုကြည့်ရတာပျော်နေတဲ့ပုံပဲ။ အင်းလေ...လက်ရှိအခြေအနေကို သူ မလွဲသာလို့ လက်ခံထားရပေမယ့် တကယ်တန်းတော့ ပြောင်းလဲချင်တာ အစထဲကသိသားပဲလေ။ သူလုပ်ချင်တာတွေ လွတ်လွတ်လပ်လပ် လုပ်ရတော့မှာမို့ သူ့အတွက် ၀မ်းသာပေးမိသလို ကိုယ်ကျန်ခဲ့မှာကို တွေးပြီး ရင်ထဲမှာ ဆွေးမိတယ်။
ရင်ထဲမှာ ခံစားမိတဲ့အတိုင်း ဟန်မဆောင်တတ်သူမို့ မျက်ရည်က ချက်ချင်းဝိုင်းတတ်လာတော့ သူ့အမြင်မှာတော့ ပြသနာတွေ၊ ပြသနာ ရှာတတ်တဲ့လူတွေ ကြားထဲ တစ်ယောက်ထဲကျန်ခဲ့မှာကြောင့် ၀မ်းနည်းတယ်လို့ ထင်ပြီး ချော့မော့နေတယ်။ မင်းသူတို့နဲ့ ဘယ်လိုအလုပ်လုပ်ရမလဲဆိုတာ ကောင်းကောင်းနားလည်နေပါပြီ ၊ တခုခု လိုအပ်ရင်လဲ ငါ့ကို ဖုန်းဆက်ပေါ့တဲ့။ တကယ်တော့ ငါဝမ်းနည်းတာ အဲဒါကြောင့်မှ မဟုတ်ပဲ။ သာမန်ထက်ပိုပြီး တွယ်တာမိတဲ့ သူနဲ့ ဝေးရမှာကြောင့်ဆိုတာ သူမသိတာပဲကောင်းပါတယ်။
တကယ်တမ်းတော့ ကြီးပြင်းလာတဲ့ပတ်ဝန်းကျင်၊ သင်ကြားခဲ့ရတဲ့ ဘ၀သင်ခန်းစား၊ ဖြတ်သန်းလာခဲ့ရတဲ့ အတွေ့အကြုံ ၊ ယဉ်ကျေးမှု၊ှဓလေ့ထုံးစံ၊ လူမျိုး ဘာသာ မတူညီတဲ့လူနှစ်ယောက် ဟာ တနေရာထဲမှာ ဆုံဖြစ်ခဲ့ကြတာကိုက ကံကြမာ ရဲ့ မျက်နှာသာပေးမှုတခုထဲ ကြောင့်သာပါပဲ။ ဒီထက်ပိုပြီး ဘာမျှော်လင့်ချင်သေးလို့လဲ လို့ ကိုယ့်ဟာကို မေးမိတယ်။
သူ့ရဲ့ ဂရုစိုက်ကြင်နာမှု၊ အားပေးဖေးမမှု ၊ ပွင့်လင်းဖော်ရွေမှုဟာ လုပ်ဖော် ကိုင်ဖက်တယောက်အပေါ်မှာ ထားလေ့ရှိတဲ့ သူ့ရဲ့ ချစ်စရာကောင်းတဲ့ အကျင့်စရိုက်တစ်ခုပဲ။ အဲဒီထက် ဘာမှ မပိုဘူးဆိုတာ သဘောပေါက်နားလည်အောင် ကိုယ့်ဟာကို အချိန်အကြာကြီးယူပြီး လေ့ကျင့် ထားပြီးသားပါ။
ဟန်ဆောင်ထားစမ်းပါ။ ဟန်ဆောင်နေကျ လူ့လောကကြီးထဲမှာ ပိုနေမြဲကျားနေမြဲရှိစေဖို့ ထပ်ဟန်ဆောင်လိုက်စမ်းပါ လို့ ကိုယ့်ဟာကို အားပေးမိတယ်။
ဘာလို့ အဲလောက်တောင် တွယ်တာမိရတာလဲ။ ကိုယ့်ဟာကိုတောင် နားမလည်နိုင်တော့မှ တခြားဘယ်သူကမှလဲ နားလည်ပေးနိုင်မှာ မဟုတ်ပါဘူး။ နီးစပ်မှုကြောင့်လား။ ဟင့်အင်း။ သူ့ထက် အနေနီးစပ်တဲ့ လူတွေအများကြီးရှိတာပဲ။ အရမ်းချောနေလို့လား။ သာမန်ပါပဲနော်။ အရမ်းတော်နေလို့လား။ ဒါပေမယ့် တော်တာတခုထဲကြောင့်လဲ မဟုတ်ပါဘူး။ တချို့ အရမ်းတော်တဲ့လူတွေကိုတောင်မှ ကိုယ်က မနာလိုဖြစ်တတ်သေးတာ။ အားပေးဖေးမတတ်လို့လား။ သူ့ထက် အားပေးဖေးမချင်တဲ့လူကိုတောင် စိတ်ပျက်ရှောင်လွှဲနေမိတာ။
နောက်ဆုံးတော့လဲ ကောက်ချက်ချမိတာက သူ့ကိုငါ တွယ်တာမိတာ ငါ့စိတ်ထဲကကိုက တွယ်တာချင်လို့ပါလို့။
တကယ်လို့သာ အသက်ရှင်သွားမယ့် ဘ၀တလျှောက်မှာ သူနဲ့ တနေ့မှာ 24နာရီ၊ တပတ်မှာ ခုနှစ်ရက်၊ တလမှာ ရက်သုံးဆယ်၊ တနှစ်မှာ ဆယ့် နှစ်လ လုံးအတူနေသွားရမယ်ဆိုရင်တောင်ဘ၀ရဲ့ နေ့ရက်တိုင်းဟာ ဘယ်တော့မှ ငြီးငွေ့စရာကောင်းမှာ မဟုတ်ဘူးဆိုတာ သေချာပါတယ်။
အဲဒီခံစားချက်ကဘာလဲ ... ကိုယ့်ဟာကိုလဲ မသိတော့ဘူး။

ဆောင်းခိုငှက် ဇင်ယော်

ကျွန်မတို့ အင်းလေးမှာ နှစ်စဉ် ဆောင်းတွင်းဆိုရင် ဇင်ယော်ငှက်များ ဆောင်းလာခိုကြပါတယ်။ ဆောင်းရာသီနဲ့ နွေရာသီပတ်ဝန်းကျင်မှာ အင်းလေးကို အလည်ရောက်ဖူးတဲ့ သူများဆိုရင်တော့ မော်တော်ဆိပ်မှာ ဇင်ယော်အစာဝယ်ပြီး မော်တော်နောက် လိုက်ပျံလာတတ်တဲ့ ဇင်ယော်ငှက်ကလေးများကို အစာပစ်ကြွေးဖူးကြပါလိမ့်မယ်။
ဇင်ယော်ကို အင်းလေးမှာကတော့ နှင်းအေးလို့ခေါ်ကြတယ်။ ကြည့်ရတာ နှင်းနဲ့တူတဲ့ ဖြူဖွေးတဲ့သူ့ရဲ့ အမွှေးအရောင်ကို လိုက်ပြီး နာမည်တွင်ခဲ့တာနဲ့ တူပါတယ်။ ဒါပေမယ့် တောင်ပံလေးတွေကတော့ မီးခိုးရောင်လေးတွေပါ။
ကျွန်မတို့ငယ်ငယ်အင်းလေးမှာ နေတုံးကဆိုရင် ဆောင်းစ၀င်ပြီဆိုတာနဲ့ ညနေ နေ၀င်ရီသရောဆို အကောင်လေးငါးဆယ်ပါတဲ့ နှင်းအေးတွေ အုပ်လိုက် ရွာထဲကိုဝင်လာတတ်ပါတယ်။ ငါးနာရီ ငါးနာရီခွဲလောက်ပေါ့။ အဲဒီအချိန်ဆို အိမ်က ညစာစားပြီးကျန်တဲ့ ထမင်းကြမ်းလေးတွေကို လက်လေးနဲ့ သေးသေးလေးတွေဆုပ်ပြီး နှင်းအေးစာကြွေးကြတာ အရမ်းပျော်ဖို့ ကောင်းပါတယ်။ ထမင်းဆုပ်ကို မပစ်ခင် လက်ကလေးကိမြှောက်မြှောက်ပြီး နှင်းအေးရေး.. ရော့ရော့ရော့ လို့အော်ပြီး နောက်ဆုံးမှ ရော့ ဆိုပြီးမြှောက် ပစ်ထည့်လိုက်ရင် စောင့်နေတဲ့ နှင်းအေးတကောင်ကောင်ကတော့ ရေထဲပြုတ်မကျခင် ရအောင်သုတ်လိုက်နိုင်တာပဲ။ သူလိုလိုငါလိုလိုနဲ့ ကြားထဲကလွတ်ပြီး ရေထဲကျသွားရင်လဲ တကောင်ကောင်က ရေထဲကနေရအောင် သုတ်စားလိုက်တာပဲ။ ဇင်ယော်ငှက်အကောင်လေးငါးဆယ်လောက် ကိုယ့်ခေါင်းပေါ်မှာတဂီးဂီး တဂစ်ဂစ်နဲ့ အော်သံတွေကြားမှာ အစာကြွေးရတာ ကလေးဘ၀ရဲ့ ပျော်စရာ အချိန်တွေထဲက တစ်ခု ပေါ့။ ပတ်ဝန်းကျင်အိမ်တွေကပါကျွေးကြရင်တော့ ကိုယ့်နားက အုပ်စုကလဲ နည်းသွားတာပေါ့။

ကျောင်းကပြန်လာပြီး၇င် ညစာ ထမင်းချက်ဖို့ ဆန်ဆေးပေးရလေ့ရှိတဲ့ကျွန်မကတော့ ဇင်ယော်တွေစ၀င်ပြီး နောက်ရက်တွေဆိုဆန်နို့ဆီဗူးဝက်လောက် ပိုဆေးပစ်လိုက်တာပဲ။
ဒါပေမယ့် ခုနောက်ပိုင်း ဆောင်းတွင်းမှာ အင်းလေးကို ပြန်ရောက်ရင်လဲ အရင်တုံးကလိုက နှင်းအေးတွေ ရွာထဲမှာ အစားလာတောင်းတာမျိုးမရှိတော့ဘူး။ ဖြစ်နိုင်တာက ဆောင်းလာခိုတဲ့ နှင်းအေးအရေအတွက် နည်းသွားလို့ဖြစ်ရမယ်။ အင်းလည်မှာတော့ လှိုင်းလေးစီးလိုက်၊ ရေထဲကငါးကို ထိုးသုတ်လိုက်၊ မော်တော်တွေနောက်ကို လိုက်ပျံပြီး ခရီးသည်တွေပစ်ကျွေးတဲ့ အစာတွေကို လိုက်သုတ်လိုက် လုပ်နေတဲ့ နှင်းအေးတွေတော့ တွေ့နေရတုံးပဲ။ ကျွန်မလဲ အင်းလေးပြန်ဖြစ်တဲ့အခါ အင်းလည်ရောက်လို့ နှင်းအေးတွေတွေ့ရင် ပါလာတဲ့ ပေါင်မုန့်လေးတွေကို ပစ်ကြွေးရင်း ငယ်ဘ၀ကပျော်ရွှင်မှုလေးတွေကို ပြန်ခံစားမိတုံးပါပဲ။

ခုတော့ ကျွန်မကိုယ်တိုင်လဲ ငှက်တကောင်လိုပဲ ဇာတိမြေရဲ့ အဝေးတနေရာမှာ ဆောင်းခိုနေရပါတယ်။

ပထမဆုံးကြိုးစားပြီး စတင်လိုက်တဲ့ ပိုစ့်က အလွမ်းပိုစ့်လေးဖြစ်သွားတော့ နောက်ပိုင်းလဲ တမ်းတမှုတွေနဲ့ ပြည့်နေတဲ့ ဘလောဂ့် တခုပဲဖြစ်သွားမလား မသိတော့ပါဘူး။